Pecan pie
Það sem til þarf er:
f. 4-6
Í bökuskelina:
185 gr. hveiti
100 gr. smjör, stofuheitt
2-3 msk. vatn
1 eggjarauða
2 msk. sykur
Í fyllinguna:
3 egg
1 1/2 dl ljóst korn sýróp (eða venjulegt)
75 gr. dökkur púðursykur
2 msk. Neskaffi
1 1/2 dl mjólk, heit
200 gr. pecanhnetur
Meðlæti:
Vanillu ís
Þeyttur rjómi
Svona geri ég:
Bökuskelin: Allt sem fer í deigið er hnoðað saman og sett í kæli í 1 klst. Þá er degið flatt úr á hveitistráðu borði og sniðið ofaní bökuform. Botninn er þakinn með bökunarpappír og keramikbaunir (bökunarbaunir) eða ósoðin hrísgrjón sett ofaná ppappírinn til að fergja botninn og skelin er bökuð ófyllt í 10 mín. Kæld.
Fyllingin: Eggi, púðursykur og sýróp eru þeytt vel saman. Kaffið er leyst upp í heitri mjókinni og blandað saman við eggjahræruna. Að lokum er hnetunum bætt útí. Bakað neðst í ofninum á 175°C í 45 mín.
ATH. Bakan vill dökkna svolítið í bakstri, svo það getur verið ágætt að leggja bökunarpapppír ofaná hana á meðan. Bakan er látin kólna aðeins en er svo borin fram með vanillu ís eða þeyttum rjóma.