Krabbasalat
Það sem til þarf er:
F. 4
1 pakkning surimi krabbi
1/2 dós sýrður rjómi
2-4 msk. Kewpie majónes
Nokkrar greinar ferskt dill
Kreista af sítrónusafi
Sjávarsalt
Ég er mög hrifin af salötum á kex og brauð, sérstaklega ef þau eru með skelfisk, eins og rækjum, humar eða krabba. Það fylgir því svolítil dekurstemming því að fá sér mæjósalat á gott brauð eða kex. Þetta krabbasalat er geggjað á seytt rúgbrauð eða á nýbakaða súrmjólkur vöfflur. Faðu þér að smakka.
Svona geri ég:
Sýrði rjóminn er hrærður upp í skál, síðan er majónesinu hrært útí ásamt smá salti og sítrónusafa. Krabbinn er tekinn úr umbúðunum og skorinn í 3-4 cm bita. Krabbabitarnir eru losaði aðeins í sundundur með fingrunum og hrærðir út í sýrða rjómann. Dillið er saxað og hrært útí í restina. Smakkað til með salti og sítrónusafa. borið fram með seyddu rúgbrauði, kexi eða súrmjólkurvöfflum.