Tígrisrækjur með zucchini
Það sem til þarf er:
f. 4
2 tsk. Dijon sinnep
Rifinn börkur af 1 sítrónu
2 msk. sítrónusafi
1/3 bolli extra virgin ólífuolía
1 lítið rautt chili, fræhreinsað og saxað
1 tsk. ferskt saxað majoram
1 msk. fersk saxað basil
Salt og nýmalaður svartur pipar
750 gr. risarækja
2 zucchini í þykkum sneiðum
Snittubrauð
Olía til að pennsla með
Hvort sem þú ert að leita að léttum skelfiskrétti til að setja á grillið í sumar og borða útí garði með kalt hvítvín í glasi, eða góðan og léttan föstudagskvöldverð á huggulegu vetrarkvöldi, skaltu ekki leita lengra, hann er fundinn :-D
Svona er þetta:
Dressingin er búin til fyrst, með því að blanda saman sinnepi, sítrónuberki og safa, olíu, chili, majoram, basil, salti og pipar. Þetta er lagt til hliðar og látið bíða á meðan þú steikir eða grillar (þetta er mjög gott grillað úti, þegar veður er til þess) zucchiníið og rækjurnar. Þú skerð zucchiíið í þykkar sneiðar og grillað á báðum hliðum á grilli eða grillpönnu þar til það byrjar að meyrna, saltað og piprað. Svo er það skorið í tvennt, langsum og sett útí skálina með dressingunni. Sama er gert við rækjurnar þær eru steiktar á grilli eða grillpönnu þar til bleikleitur blær kemur á þær, þá er þeim snúið og steiktar á hinni hliðinni þar til þær eru orðnar bleikar í gegn. Þeim er síðan bætt útí dressinguna og öllu blandað vel saman. Borið fram með grilluðu snittubrauði sem búið er að pensla með ólífuolíu og jafnvel nudda með hvítlauk.