Sizzling fajitas
Það sem til þarf er:
f. 4
400 gr. kjúklingalundir
1 græn paprika skorin í strimla
1 rauð paprika skorin í strimla
1 rauðlaukur skorinn í geira
Tortillur (sleppa ef þú ert á keto eða LKL)
Marainering:
1 msk. olía + meira til að steikja uppúr
1 hvítlauksrif, marið
1/2 tks. cumin
1/2 tsk. hvítlauksduft
1/2 tsk. laukduft
Skvetta af Shriacha sósu (ef þú vilt vera 100% keto, skaltu sleppa þessu og setja smá Cayanne pipar til að fá hitann)
Sjávarsalt og nýmalaður svartur pipar.
Guacamole:
2-3 vel þroskuð avocado
1-2 hvítlauksrif, marin
1 lítill rauðlaukur, fínsaxaður
1/2 - 1 rauð chili, fínsaxað
1 vel þroskður tómatur, kjarnhreinsaður og saxaður nokkuð smátt
Ferskt kóríander, fínsaxað
Safi út lime, smakkað til
Salt og svartur pipar
Meðlæti:
Salsa
Sýrðður rjómi
Rifinn cheddar
Lime í bátum
Þú heyrir alveg fyrir þér hljóðið í Sizzler pönnunum, sem þjónarnir hlaupa um með á borðin til kúnnanna, þegar þú hefur verið á mexikönskum stað, ég sný mér alltaf við og hugsa: " Namm, hvað var þessi að panta sér? Sizzler pannan er skemmtileg þó ég noti hana alltof sjaldan. Þessar fajitas eru æði og ef þú ert á keto eða LKL þá sleppir þú tortillunum eða baka keto-vænar tortillur, örugglega fullt af uppskriftum á netinu, ég vel að sleppa þeim. Ég mæli 100% með guacamoleinu gamalt og vel reynt í mínu vopnabúri, en ef þú átt þitt uppáhald, ekki hika við að nota það.
Svona geri ég:
Allt í marineringuna er sett í skál og kjúklingalundunum velt uppúr henni og geymt í kæli í um 1 klst. Guacamoeið er útbúið og plastfilma lögð beint ofaná maukið, svo það dökkni ekki, geymt í ísskáp, þar til þú berð það á borð. Osturinn er rifinn og allt annað meðlæti er gert klárt. Ofninn er hitaður á 200°C. Sizzler pönnurnar eru settað í ofninn og hitaðar í minnst 20 mín. Lundirnar eru steikar á háum meðalhita þar til þær eru gegnsteiktar á grillpönnu og settar til hliðar á meðan paprikur og rauðlaukur er steikt þannig að það sé enn kröns í þeim, þá er kjúllanum bætt á pönnuna og allt hitað vel. Tortillurnar eru hitaðar í ofninum ef þú notar þær. Sizzler pönnurnar eru teknar úr ofninum, kjúlla og grænmeti skipt á milli þeirra og borið snarkandi og dramatískt á borð. Meðlætið er borið á borð í litlum skálum, og hjálpa sér allir sjálfið í það. ískaldur Corona bjór, með limebáti ofaní, skemmir ekki með þessu.