Parmaskinku vafinn aspas með Hollandaise sósu
Það sem þarf til er:
F. 6
24 stk. grænn ferskur aspas
12 sneiðar hráskinka
Ólívu olía
Klettasalat
Parmesan ostur
Hollandaise sósa:
200 gr. smjör
3 stk. eggjarauður
1 tsk. Dijon sinnep
1 stk. kjúklingskraftsteningur
1 stk. sítróna, safinn
Salt og nýmalaður svartur pipar
Meðlæti:
Ristað brauð
Smjör
Mamma bauð upp á þennan dásamlega góða forrétt í páskaboði um daginn. Ég hvet þig til að prófa hana, en þessi frábæra uppskrift er úr bókinni Landsliðsréttir Hagkaupa, bls. 23, fáránlega góður réttur.
Svona gerir mamma:
Aspasinn: Skrælið neðsta hluta aspas stönglanna og sjóðið þá í saltvatni í 2 mín., skolaðir með köldu vatni og settir til hliðar. Hráskinkan er skorin í tvennt og vafið utanum 2 aspas stöngla. Olían er hituð á pönnu og bögglarnir snöggsteiktir á báðum hliðum.
Sósan: Smjörið er brætt í potti. Pískið eggjarauður, sinnep og klípu af kjúklingakrafti saman í skál þar til blandan er létt og freyðandi. Hellið smjörinu í mjórri bunu út eggjablönduna og gætið þess að þeyta í allan tímann. Smakkið sósuna til með sítrónusafa, saltað og piprað. Sett á disk með klettasalati og sköfnum. Parmesan osti, það er ekki verra að hafa ristað brauð með. Ferskt og svolítið crispy hvítvín eða freyðivín eða dásamlegt með .