Sterkar orange/honey rækjur
Það sem til þarf er:
f. 2 sem máltíð, f. 4 sem forréttur
600 gr. risarækjur, afþýddar
Sjávarsalt og nýmalaður svartur pipar
1/2 bolli maismjöl
2 stór egg, þeytt
1/4 bolli olía
Ristuð sesamfræ
2 vorluakar í þunnum sneiðum
Í sósuna:
1/4 bolli hunang
Fínrifinn börkur af einni appelsínu
2 msk. af appelsínusafa
1/2 tsk. hvítlauksduft
1/2 tsk. chrushed red pepper flakes
1/4 tsk. engiferduft
Meðlæti:
Gott súrdeigsbrauð
Smjör
Okkur finnst gott eins og svo mörgum, að fá okkur kósýmat á föstudagskvöldum. Það er svo notalegt að vera í eldhúsinu og útbúa eitthvað gott í vikulokin. Hlusta á goða músik, kveikja á kertum og kannski hvítvínsglas. Af því við erum bara tvö fullorðin í heimili, þá er okkar val á föstudags dekri keim af því. Við erum mjög hrifin af skelfiski og sérstaklega rækjum. Þessi uppskrif er nýja uppáhaldið okkar. Spurning hvort þú verður á sömu skoðun bráðum?
En hér er aðferðin:
Maísmjölið er sett í plastpoka ásamt saltiog pipar. Svolítið loft er skilið eftir í pokanum og honum lokað þannig að hann sé eins og blaðra og rækjurnar hristar í honum þar til þær eru þaktar mjöli. Olían er hituð á stórri pönnu. Eggin eru léttþeytt og rækjunum dýpt í eggjahræruna einni í einu og þær steiktar á báðum hliðum, þar til þær eru gylltar og fullsteiktar, ca. 1-2 mín. Eldhúsblað er sett á stóran disk og rækjurnar settar á hann þegar þær eru steikar, svo olían leki af þeim. Allt sem fer í sósuna er sett á pönnuna sem rækjurnar voru steiktar á og látið malla á lágum hita í 1-2 mín., þar til sósan þykknar. Rækjurnar eru settar á fat og sósunni hellt yfir ásamt sesamfræum og söxuðum vorlauk. Borið fram með brauði og smjöri. Það skemmir ekki, að sötra kalt Cava freyðivín með.