Lamba - og Rósmarý pot pæ
Það sem til þarf er:
f. 6
1 kg. lambakjöt í bitum,upplagt að nota ódýra bita eins og súpukjöt
Gróft sjávarsalt og númalaður svartur pipar
1 msk. ólífu olía
1 stór laukur, saxaður
2 hvítlauksrif
3 gulrætur í þykkum sneiðum
2 msk. hveiti
1/2 L lambasoð
1 msk. Worcestershire sauce
2 greinar rósmarý, laufin fínsööxuð
500 gr. kartöflur, skrældar, í þunnum sneiðum
30 gr. smjör eða kryddsmjör
Comfort food eins og hann gerist bestur. Mér finnst fátt betra en hægeldað lamb í eigin soði, með grænmeti, fersku kryddi og ristuðu karföfluloki. Bragðmikil sósan, er soðið af lambinu og rósmarýinu, sem eru í einu besta "bragð" hjónabandi sem til er. Það er upplagt að búa til tvöfalt magn og eiga svo restina í frystinum þegar mikið er að gera. Fullkomið!
Svona gerum við:
Ofninn er hitaður í 190°C. 6 litlar eldfastar skálar eru smurðar vel að innan, eða eitt stórt fat. Olían er hituð á háum hita í stórum potti og kjötið steikt í skömmtum svo það brúnist vel á öllum hliðum, saltað og pipað. Tekið úr pottinum og lagt til hliðar. Hitinn er lækkaður í meðalhita og laukurinn og gulræturnar eru steiktar í 5 mín., hvítlauknum er bætt útí og steikt áfram í mínútu. Hveitinu er bætt útí og steikt áfram í 1 mín. Kjötinu er síðan bætt útí ásamt soði, Worcestershire sósunni og rósmarý, kryddað til og látið sjóða undir loki á lágum hita í 30 min., eða þar til lambið er meyrt. Kjötinu er skipt á milli skálanna, eða sett í fatið og kartöflusneiðunum raðað ofaná og smjörið sett í doppum ofaná, kryddað með salti. Állok er sett ofaná skálarnar og bakað í 20 mín., þá er lokið tekið af og látið brúnast í 25 mín., áfram í ofninum.