Súkkulaði fondant kökur
Það sem til þarf er:
F. 6 í stærri gerðina af skálum, annars í 10 minni skálar
250 gr. smjör
Kakó, til að dusta skálarnar með
300 gr. súkkulaði, 60-70%
400 gr. sykur
1/2 tsk. vanilludropar
5 stór egg
220 gr. hveiti
Hvað er betra í eftirrétt eftir góða máltíð, en heit mjúk lava súkkulaðikaka, með köldum ís og berjum. Þessi er alveg dásamleg, endilega prófaðu:-)
Svona geri ég:
Ofninn er hitaður í 180°C. Eldfastar litlar skálar eru smurðar að innan með 25 gr. af smjörinu, bræddu. Kakói er sett í hverja skál og þar hrist í botninn og til hliðanna, allt auka kakó hrist úr. Súkkulaðið og 225 gr. af smjörinu í þykkbotna potti, og brætt við lágan hita, þar til það er bráðnað og glansandi. Sykurinn er þeyttur út í, ásamt vanillunni og eggjunum einu í einu. Hveitinu er hrært saman mjög varlega. Deiginu er skipt á milli skálanna og bakað í nákvæmlega 17 mín. Tekið úr ofninum og látnar standa í 10-15 mín. áður en þær eru bornar á borð með góðum vanillu ís og berjum.