Duck à l'Orange
Það sem til þarf er:
F. 3-4
4 andabringur
Sjávarsalt og ný malaður svartur pipar
2 msk. appelsínu marmelaði
Meðlæti:
Duck à l'Orange, hefur töfra ljóma yfir sér, í mínum huga, frá fornu fari. Í mínum unga huga var þessi réttur toppurinn á franskri fágun og elegans, sem hann er að vissu leiti ennþá. Hvað sem því líður er Duck à l'Orange, dásamlega góður matur og það er lítið mál að búa hann til. Sósuna er hægt að gera fyrir fram, ásamt meðlætinu. Þá er bara eftir að steikja bringurnar, þegar á að fara að borða. Ég ber öndina venjulega fram með dásamlegu appelsínusósunni, Jóla eplasalati og Trönuberja- og peru chutney, ég sleppi kartöflum. Endilega prófaðu ;-)
Svona geri ég:
Ofninn er hitaður í 110°C. Andabringurnar eru afþýddar og þerraðar vel. Ég læt þær standa óvarðar á borðinu í 2-3 tíma áður en ég steiki þær. Þá eru skornar nokkrar rákir í skinnið, á ská og bringurnar settar á pönnuna kalda, á meðan pannan hitnar upp í meðalhita og eru bringurnar steiktar, án þess að snúa þeim, í ca. 5 mín., á meðan fitan bráðnar af þeim og húðin verður stökk. Á meðan er kjöthliðin, sem snýr upp, krydduð með salti og pipar. Bringunum er snúið og þær steiktar i um 5 mín. á kjöthliðinni, og húðin krydduð með salti og pipar. Þá eru þær teknar af pönnunni og settar á ofnplötu og stungið í ofninn í 20 mín. Appelsínu marmelaði er brætt í potti, og þegar bringurnar eru teknar úr ofninum, er marmelaðinu penslað á þær, síðan eru þær látnar jafna sig í 10 mín., áður en þær eru skornar í meðalþykkar sneiðar og bornar á borð, með appelsínusósunni og öðru meðlæti.