Japanskur lax
Það sem til þarf er:
F. 2
170 gr. ferskur lax
Marineringin:
2 msk. salt lítil soja
½ -1 tsk. Wasabi
Kreista af lime
Salt og pipar
½ rifið hvítlauksrif
Skraut:
Furikake krydd, eða fín saxað nori þang
1/2 vorlaukur, skorinn í þunnar sneiðar
Hér er á ferðinni alveg dásamlegur marineraður lax, sem er borinn á borð hrár. Þetta er frábær léttur forréttur eða smáréttur. Tekur ekki nokkra stund að búa til, svo endilega prófaðu :-)
Svona geri ég:
Laxinn er roðflettur og fituröndin á bakinu á flakinu er hreinsuð af. Fiskurinn er skorinn í þunnar ræmur og síðan eru ræmurnar skornar í jafnstóra ferhyrnda bita. Þetta er hægt að gera nokkru áður en á að borða laxinn og geyma hann skorinn, í ísskáp. Öllu hráefninu í marineringuna er blandað saman í skál. Um leið og á að bera laxinn á borð, er laxabitunum velt vel upp úr marineringunni og deilt í litlar skálar og skreytt með vorlauk sneiðum og furikake eða nori þangi. Borið strax á borð.