Það sem til þarf er:

f. 4-5

1 stk. Philadelphia rjómaostur, við stofuhita

1 krukka tómat salsa, miðslungs sterk

2 vel þroskaðir tómatar, þvegnir, kjarnhreinsaðir og saxasðir í miðlungs stóra bita

1/2 appelsínugl paprika, smátt söxuð

1 lítill púrrulaukur, ljósgræni og hvíti hlutinn, þveginn og saxaður smátt

1 lítill klasi vínber, smátt söxuð

Rifinn ostur

Meðlæti:

Nachos 

Ég fæ bara vatn í munninn, þegar ég hugsa um þessa dásamlegu ídýfu.  Það var góð vinkona sem bauð mér og fleirum upp á hana fyrir nokkru.  Ég plataði hana um uppskrftina fyrir okkur og þar sem dýfan heitir ekkert, nefndi ég hana í höfuðið á vinkonunni, henni Önnu Siggu.  Dýfan er svakalega einföld og geggjuð í munni, ég lofa því, að það eina sem verður eftir þegar þú býður upp á hana, er galtómur diskur.  Passar í hvaða partý sem er, líka frábær, sem guilty pleasure fyrir einn, endilga prófaðu  ;-)  Takk elskuleg fyrir uppskriftina ❤️

Svona geri ég:

Þú þarft nokkuð stórt flatt fat eða disk fyrir dýfuna.  Rjómaostinum er smurt yfir miðjuna á fatinu, með bakinu á skeið, en ca. 10 cm. kantur er skilinn eftir, fyrir nachosið í lokin.  Salsanu er smurt yfir rjómaostinn, síðan er saxsaðir púrrunni dreift yfir, ostinum, tómötunum, vínberjunum og síðast paprikunni.  Svona getur dýfan beðið í ísskáp í 1-2 tíma með plasti yfir.  Þegar þú ætlar að bera hana á borð, er nachos flögum raðað á kantinn sem var skilinn eftir, borin á borð og notið með uppáhaldas drykknum þínum.

Verði þér að góðu :-)