Portúgalskur kjöthleifur
Það sem til þarf er:
F. 4
Kjöthleifurinn:
1 stór laukur, saxaður í miðlungsstóra bita
4 msk. smjör
1 box sveppir, í sneiðum
Sávarsalt og nýmalaður svartu pipar
1 bolli gamalt þurrt brauð, mulið nokkuð fínt í höndunum eða Panco rasp
500 gr. nautahakk
1 stórt egg
Sósan:
1 1/2 msk. tómat paste
2 tsk. paprika
1 lítil chorizo pylsa, skorin smátt
2 bollar kjúklingasoð
2 tsk. Worchester sósa
1 1/2 bolli sýrður rjómi
1/2 bolli rjómi
Söxuð fersk steinselja
Katröflumús:
1/2 kg. kartöflur
Sjávarsalt
Smjör
2-4 msk. rjómi
Hér er á ferðinni dásamlegur kjöthleifur sem er upplagt að hafa í miðri viku. Hann er mjög ljúffengur, með geggjaðri rjómalagaðri sósu, sem er krydduð með Chorizo pylsu og tómat. Endilega prófaðu :-)
Svona geri ég:
Kjöthleifurinn: Ofninn er hitaður í 180°C. Laukurinn og sveppirnir eru steiktir upp úr smjörinu, á rúmgóðri pönnu. Saltað og piprað og steikt þar til sveppirnir eru farnir að brúnast aðeins. Pannan er tekin af hitanum og sett til hliðar. Helmingurinn af sveppunum er settur í skál, restin skilin eftir á pönnunni. Brauðinu er blandað út í sveppina í skálinni, kryddað yfir með salti og pipar, þá er hakkinu blandað varlega út í blönduna, egginu blandað út í, í lokin. Mótað í hleif, saltað og piprað yfir. Hleifnum er pakkað í smjörpappír og hann bakaður í 1 klst.
Sósan: Pannan er sett á hitann aftur og þegar sveppirnir eru orðnir heitir, er tómat paste-inu og paprikunni bætt á pönnuna, ásamt Chorizo pylsunni og steikt áfram þar til pylsan er farin að gefa frá sér fitu og tómatmaukið farið að karamelliserast, ca. 3-4 mín., þá er Worchestershire sósunni og kjúklingasoðinu bætt á pönnuna. Sýrði rjóminn er settur í miðlungs stóra skál ásamt og 1/4 bolla af heitu sveppamaukinu og blandað saman við hann. Síðan er rjómanum og tempraða sýrða rjómanum, hellt út á pönnuna og hitað í gegn, um 5 mín., Ekki láta sósuna sjóða.
Kartöflumúsin: Kartöflurnar eru skrældar og skornar í nokkra bita. Suðan er látin koma upp á söltu vatni, í meðalstórum potti. Þær eru soðnar í, þar til þær eru gegn soðnar 8-10 mín. Vatnið er látið leka vel af þeim, í sigti, síðan eru þær maukaðar með smjöri og rjóma, saltað og piprað eftir smekk. Steinseljunni er dreift yfir, að síðustu.