Panettone búðingur
Það sem til þarf er:
F. 8
600 gr. panettone
8 stór egg
2 bollar mjólk, ekki léttmjólk
1 tsk. vanilludropar
1/2 - 1 tsk. salt
1/4 tsk. kanill
1/4 tsk. nýrifin múskathneta
Flórsykur, til að stkreyta með
Meðlæti:
Þeyttur rjómi
Hlynsíróp
Fersk ber
Þessi búðingur er matarmikill og nýtir afgangs Panettone brauðið mjög vel. Hann er mjög sniðugur á brunch borðið, þegar fjölskyldan hittist yfir hátíðarnar. Endilega prófaðu :-)
Svona geri ég:
30 cm eldfast fat er smurt vel, að innan. Brauðið er skorið í um 2 cm þykkar sneiðar og raðað í fatið svo sneiðarnar leggist upp á hverja aðra að hluta. Eggin eru þeytt saman í stórri skál, ásamt mjólk, vanillu, kanil og múskati. Eggjablöndunni er hellt yfir brauðið, það er gott að þrýsta aðeins ofan á sneiðarnar með lófanum, svo að sneiðarnar dekki vökvann í sig. Plast er breytt yfir fatið og látið standa í 1 klst. Ofninn er hitaður í 180°C. Fatinu er stungið í ofninn og bakað í 45-50 mín., eða þar til brauðið hefur brúnast aðeins og lyft sér og blásið út. Tekið úr ofninum og látið hvílast í um 10 mín. Flórsykri er drussað yfir fatið og borið á borð með þeyttum rjóma, hlynsírópi og berjum.