Caviar og Búbblur
Það sem til þarf er:
F. 3-4
120 gr. 18% sýrður rjómi
3 vorlaukar, fínt saxaðir
1/4 tsk. nýmalaður svartur pipar
1/2 tsk. salt
3 egg, harðsoðin, grófsöxuð
8 sneiðar hvítt samlokubrauð
2-3 msk. mjúkt smjör
60 gr. svartur caviar í krukku
Um hávetur og í myrkri... þá er upplagt að gera vel við sig. Caviar og Búbblur eru toppurinn, ef þú ert hrifinn af caviar eins og ég. Ég á alltaf caviar í ísskápnum og finnst geggjað að para hann á klassíska háttinn með sýrðum rjóma og smá söxuðum lauk ofaná volga blini og glas af köldum búbblum í glasi. Er ekki upplagt að skella í svona lúxus samloku á vetrardegi. bara geggjað, endilega prófaðu?
Svona geri ég:
Sýrði rjóminn er hrærður upp í skál, söxuðum vorlauk er hrært saman við hann, ásamt salti og pipar. Eggin eru harðsoðin, skræld og gróft söxuð og sett á disk. Brauðið er ristað gyllt og smurt með mjúku smjöri á meðan það er heitt. Allar brauðsneiðarnar er smurðar með þykku lagi af sýrða rjómanum og eggjunum er síðan dreift ofan á 4 stk., síðan er caviarnum jafnað yfir eggin. Restin af smurðu sneiðunum eru lagar ofan á caviarinn, síðan er samlokunum þrýst létt saman, síðan eru þæ skáskornar í tvennt, settar á fat og bornar á borð með ísköldu freyðivíni.