Red velvet bollakökur
Það sem til þarf er:
20 stk.
2 1/2 bolli sigtað hveiti
1 tsk. lyftiduft
1 tsk. salt
2 msk. kakó
60 gr. rauður matarlitur (2 glös)
1/2 bolli ósalt smjör, mjúkt
1 1/2 bolli sykur
2 egg, stofuheit
1 tsk. vanilludropar
1 bolli AB mjólk, stofuheit
1 tsk. hvítvínsedik
1 tsk. matasódi
Rjómaosta krem:
250 gr. rjómaostur
125 gr. smjör
3 3/4 bolli flórsykur, sigtaður
1/2 tsk. vanilludropar
1/8 tsk. salt
Það er varla hægt að hugsa sér köku sem er fallegri á litinn, svo eru þær líka lungamjúkar og gómsætar.....
Svona bakar þú þær:
Ofninn er hitaður í 180°C. Möffin plata er gerð klár með pappírsbollum. Hveiti, salt og lyftiduft er sigtað saman í skál, og lagt til hliðar. Í lítilli skál er kakói og matarlit blandað saman í þykkt og kekkjalaust mauk. Smjör og sykur er hrært létt og ljóst í hrærivél, um 3 mín. Eggjunum er bætt við einu í einu og hrært vel í á milli, þá er vanillu og rauða kakómaukinu blandað saman við. Svo er þriðjungi af hveitinu hrært útí og alltaf er hrært vel í á milli, svo helming af AB mjólkinni, svo þriðjungi af hveiti, rest af AB mjólkinni og svo síðasta af hveitinu. Í lítilli skál er ediki og matarsóda blandað saman, ath. það freyðir, því er svo hrært útí deigið. Deiginu er svo dreift í möffin formin, þau eru fyllt ca. 2/3 -3/4, ég fékk úr þessu 20 bollakökur. Kökurnar eru bakaðar í 20 -22 mín. Það er ágætt að snúa möffin formunum þegar helmingur af bökunar-tímarnum er búinn og athuga svo hvort kökurmar eru tilbúnar með því að stinga prjóni í þær. Passa að ofbaka þær ekki.
Kremið: Smjör, rjómaostur og salt er hrært í hrærivél þar til það er létt og ljóst, þá er flórsykrinum bætt rólega við og að lokum vanillunni. Svo er hugmyndafluginu gefinn taumurinn laus og skeytt eins og þú vilt.