मेलू घिंघोरा कि दाणी खैजा
मेलू घिंघोरा कि दाणी खैजा
मेलू घिंघोरा कि दाणी खैजा
छुया तुल्यों को पाणी पैजा ... २
दांडियों का दिन चौमास ऐगिनी
(संसा लगिं छ पराणी ऐजा)... २
सुणि जा ग्वैर छोरुं कि बांसुली
रोल्यों का गीत गोरुं कि घण्डुलि ... २
दंडा घसैनि लगौणी चौमास
डालियों मां कफू घुघूती हिलांस
त्वै थे लगिं न बुलाणी ऐजा
छुया तुल्यों को पाणी पैजा ...
दांडियों को दिन चौमास ऐगिनी
संसा लगिं छ पराणी ऐजा ..
चौक उदास छ सुणी दंडयाली
बरखा मां रुणिन कूड़े पठाली ... २
बरखा का बून्द दी लगदी अंगार
जिकोडी को चैन ना बौंण ना घारा
त्वै बिना सिणि ना ,ना खाणी ऐजा
छुया तुल्यों को पाणी पैजा ...
मेलू घिंघोरा कि दाणी खैजा
छुया तुल्यों को पाणी पैजा
निरभगि सौंण भादों फिर ऐगे
जिकोडी कि ठैराई आग जगैगे... २
आसी कोयेडी मां त्वे थे खुजांद
खोळै कि काख मां रुने बैजांद
त्वै को बडूली लगौणि ऐजा
छुया तुल्यों को पाणी पैजा ...
दांडियों को दिन चौमास ऐगिनी
संसा लगिं छ पराणी ऐजा
त्वै खुनी निरमळु भैंसी पलीं छा
दूध दे की थेंथी लुके कि धरीं छा... २
सैंतियूं संभलियुं छकुत्यु पिस्युं छा
चोंवल छड़या छन दाल दलीं छा
तेरा बाना चोंखैरी खाणु ऐजा
छुया तुल्यों को पाणी पैजा ...
मेलू घिंघोरा कि दाणी खैजा
छुया तुल्यों को पाणी पैजा
ढेलु घंघारु तू दौड़ी ना ऐई
बौण कुल्हाण तू रौड़ी ना जैई... २
भुलि ना बाटू गौर बाटा बेटेकि
भाभड़ी मारि तू घार बेटेकि
कन्दुड़ी रैन्दिन ब्याणी ऐजा
छुया तुल्यों को पाणी पैजा
दांडियों को दिन चौमास ऐगिनी
संसा लगिं छ पराणी ऐजा ..
मेलू घिंघोरा कि दाणी खैजा
छुया तुल्यों को पाणी पैजा ...
दांडियों को दिन चौमास ऐगिनी
संसा लगिं छ पराणी ऐजा ..
संसा लगिं छ पराणी ऐजा ..
संसा लगिं छ पराणी ऐजा ..