हूर्त हूर्त..

उत्तराखंड चौभंड़ हुंयूं हूर्त हूर्त ।

विकास यख डुंडू हुंयूं हूर्त हूर्त ।।

न त राजधाणि अक्वैं न नेता ।

मुंड़ा नौ कपाल हुंयूं हूर्त हूर्त ।।

यख सुविधा न रोजगार कखि ।

मनरेगा जुळ्गंड़ हुंयूं हूर्त हूर्त ।।

औगा बौगा हुंयां घ्वीड़ काखड़ ।

जब निरजि- राज हुंयूं हूर्त हूर्त ।।

लुछदरोंमा हका थकुलि मंगणा ।

पैलु बांठू वूंकै नौ हुंयूं हूर्त हूर्त ।।

चुनौ बगत रिटारिट गौं गळ्यामा ।

पांच सालतैं लापता हुंयूं हूर्त हूर्त ।।