कख..?

कख..?

गुरौ अगास हिटदि कख ?

द्यप्ता भयाँ रिटदि कख ?


रिश्ता-नाता बुसिक गेन ।

अपड़-पर्या छिटदि कख ?


लोगतंत्र भि दुण्याण ह्वैगे ।

सुद्दि दाँत किटदि कख ?


गौं-गौंमा नेता भमक्याँ पर ।

छोया विकासै फुटदि कख ?


कुरसि मा बैठि कटम्वरेणा ।

भाषणौ तुड़का भुटदि कख ?


ग्यूँ चौंळ सि बजट बुखाणा ।

मुच्यड़ा गफ्फा घुटदि कख ?


युंतैं हम विधाता ब्वल्दौ यो।

स्वीणा जाँठौंळ कुटदि कख ?

✍🏻ल्यख्वार-

©®✍🏻वीरेंद्र जुयाल उपिरि

फरसड़ि पलतीर क्लब

दिनांक-20-04-020.