घिमसाण
घिमसाण
सग्वड़ि बणै न पुंगड़ि दुण्यै
सग्वड़ि बणै न पुंगड़ि दुण्यै
पर ह्वेग्यों हम किसाण भुला ।
पर ह्वेग्यों हम किसाण भुला ।
न पोथि पैढ़ि न लेखि छुछो
न पोथि पैढ़ि न लेखि छुछो
पर बण्या साहित्य परवाण भुला।।
पर बण्या साहित्य परवाण भुला।।
रडबड़ रडबड़ लोग रडबड़णा
रडबड़ रडबड़ लोग रडबड़णा
बल पौधि माया घिमसाण भुला ।
बल पौधि माया घिमसाण भुला ।
भै-भयात् अर मुंड़-मुंडैत् छा कभि
भै-भयात् अर मुंड़-मुंडैत् छा कभि
अब लैगे मनख्यातै डिसाण भुला ।।
अब लैगे मनख्यातै डिसाण भुला ।।
नाणी-धूणी कै सत् नारैण पूज्यै
नाणी-धूणी कै सत् नारैण पूज्यै
नर-नारैण की कथा नि पुरै भुला ।
नर-नारैण की कथा नि पुरै भुला ।
कथगुळि सूणि कै परसाद खै
कथगुळि सूणि कै परसाद खै
नारद जी याद भूलेगे पुराण भुला।।
नारद जी याद भूलेगे पुराण भुला।।
अब घार बूण मतलबै बयाळ चल्द
अब घार बूण मतलबै बयाळ चल्द
गोर मनखि एकनसि ह्वेगिन भुला ।
गोर मनखि एकनसि ह्वेगिन भुला ।
जिकुड़ि फरि अफ्ख्वा मसाण लैगे
जिकुड़ि फरि अफ्ख्वा मसाण लैगे
बतौ रख्वळि किलै कराण भुला ।।
बतौ रख्वळि किलै कराण भुला ।।
अफि अपड़ा नौ पड़मंत्र जप्येणु
अफि अपड़ा नौ पड़मंत्र जप्येणु
बिरणा नौ मांगळ कख्वै सूण भुला ।
बिरणा नौ मांगळ कख्वै सूण भुला ।
मुख समिणी पितळि गिच्ची आसण
मुख समिणी पितळि गिच्ची आसण
कडु ब्वोलि क्या हड्डगा त्वड़ाण भुला ।।
कडु ब्वोलि क्या हड्डगा त्वड़ाण भुला ।।
ये जमन रुप्युं हूंद आवा भगत
ये जमन रुप्युं हूंद आवा भगत
जिकुड़ि लोभ छुटदि पराण भुला।
जिकुड़ि लोभ छुटदि पराण भुला।
सतड पतड पाप भ्वर्यूं कपळि मा
सतड पतड पाप भ्वर्यूं कपळि मा
फिर गंगा नयेणा क्या जाण भुला ।।
फिर गंगा नयेणा क्या जाण भुला ।।
स्वार्थे मंडाण कुनेथा स्वांग रच्यूं
स्वार्थे मंडाण कुनेथा स्वांग रच्यूं
हाळि झाळि अळ्झेटा ताण भुला ।
हाळि झाळि अळ्झेटा ताण भुला ।
सत असता ठौ बण्युं शमशाण
सत असता ठौ बण्युं शमशाण
स्वरग नरग यकुळि जाण भुला ।।
स्वरग नरग यकुळि जाण भुला ।।
जोग ह्वालु त खूभ खाण
जोग ह्वालु त खूभ खाण
नि ह्वालु त टरक्याण भुला ।
नि ह्वालु त टरक्याण भुला ।
पुण्य कमाण अर पाप ब्वगाण
पुण्य कमाण अर पाप ब्वगाण
ई त च बळ पछयाण भुला ।।
ई त च बळ पछयाण भुला ।।
@😄😇🙏🏻🙏🏻#जै #जुयाल ✍🏻 #जै #गढ़वाल🙏🏻🙏🏻😇😄.
@😄😇🙏🏻🙏🏻#जै #जुयाल ✍🏻 #जै #गढ़वाल🙏🏻🙏🏻😇😄.
✍🏻ल्यख्वार-
✍🏻ल्यख्वार-
©®✍🏻वीरेंद्र जुयाल उपिरि
©®✍🏻वीरेंद्र जुयाल उपिरि
फरसड़ि पलतीर क्लब
फरसड़ि पलतीर क्लब
दिनांक-18-04-020.
दिनांक-18-04-020.