दग्डी बिदेस लिजैय जा
दग्डी बिदेस लिजैय जा
हतियों मां चूड़ी ,खुतियूं मां पैजी
नाक नथुली सजै जा
मिथे ई स्वामी यखुली ना छोड़्यां
(दग्डी बिदेस लिजैय जा) ..... २
तै थे ई पियारि कण क्वे लिजैलूँ
मेरा हाता कि कया बात
सात समुदर पारि छ नौकरि
(यख दिन वख पड़ि राति)..... २
तुम बिना कण क्वे कि रोलों मैं सचि
बिसरि ना जंया परदेस मां कखि..... २
मन मेरु झुराणु छा
सरेल खुदेणु छा
खुतियूं मां सैण्डिल , कानों मां झुमका
मुंडमा गजरा सजै जा
घार मां स्वामी मै यखुली ना छोड़
(दग्डी बिदेस लिजैय जा) ..... २
मन मां पियारि तू चिंता ना कैरी
अपड़ा सरैला को ध्यान तू धैरी..... २
खुदैनि ना रैई तू ,आंसूं ना बगैई तू
सम्झी ना मिथे ई दूर तू पियारि
मन मां रखि या बाति
सात समुदर पारि छ नौकरि
(यख दिन वख पड़ि राति)..... २
हैंसा खेळया दिन याद आणा छन
तप तप आंखियुं मां आँशु आणा छन..... २
जावा ना छोड़िक ,दिल थे तोडिक
मोड़मा सिंधुर, आंखियुं सुरमा
माथा मां बिंदुली सजै जा
मिथे ई स्वामी यखुली ना छोड़
(दग्डी बिदेस लिजैय जा) ..... २
पैली पैली पियारि मैं बिदेस जाणू
कण क्वे लिजाणि तू नि क्वै थिकाणु..... २
टक लगै तू बिंग्यालि, बात मेरि तू माण्याली
मै रालों वख बिदेस पियारि
मन मेरा यूँ तेरा साथ अ
सात समुदर पारि छ नौकरि
(यख दिन वख पड़ि राति)..... २
मिथे बिदेस लिजैय जा
यख दिन वख पड़ि राति
दग्डी बिदेस लिजैय जा
यख दिन वख पड़ि राति