कळम उठै कि ल्याखि मिन

जन मिन समझी ल्याखि ऊन हि

भाव म्यारा जागी जाणि ते बेर

आखर म्यारा उमाटया ऊन हि

जन-कन मिन वैथै निपत्यालि

कबिता दगडि मिन दिस कत्यालि

पर्स्यु छ भैर भित्र ऊ मैमा

ल्याखि कि वैथै जन-कन पुर्यालि

खटकु कु मिथे अंदेसा व्हाई

झसाक लागि मिन सब्यु चैत्यालि

मुनासिब छ सब डंडा कंडा बान

लमडैर ज्यू रालो तु बता दे कैमा

इत्मा ल्याखि कि बि पाटि कोरी राई

आलो क्वी औरृ लेखि जालु वैमा