"मेरु बीरू हर्ची ग्याई
को कारलो मेरु खुरको बुरको ,को भत्यालो अब मैकू माँ
मेरु बीरू हर्ची ग्याई,उत्तराखंडा की रैली मां
को कारलो मेरु खुरको बुरको,को बुलालो अब मैकू माँ
मेरु बीरू मारे ग्याई,उत्तराखंडा की रैली मां
मेरु बीरू हर्ची ग्याई,उत्तराखंडा की रैली मां
यात मारणी होलो मेरु,बन्दु कैकि चोटियों न ... २
खाकि वर्दी वालों न मारी .... २ ,फुलों बांसा की सुतियूं न
कैक लोंण अब मांगी ब्वारी,को बैठालु अब घोड़ी मां
मेरु बीरू हर्ची ग्याई,उत्तराखंडा की रैली मां
मेरु बीरू मारे ग्याई,उत्तराखंडा की रैली मां
हे मेरा त्वेन कया देखि खाई ,भोरी दुनिया मां ऐकि.. २
हे लोला त्वेन कया पाई ह्वलू,दिल्ली रैली मां जैकी
तेरु बांटू धरियूं रैगे ,सदनी अब खन्दा मां
मेरु बीरू मारे ग्याई,उत्तराखंडा की रैली मां
मेरु बीरू हर्ची ग्याई,उत्तराखंडा की रैली मां
अपड़ा बसमा हूंदो बै लाटा,अपड़ी बळी बि दि देन्दु
मेर बसमा हूंदो बै लोला,अपड़ी जान बि दि देन्दु
सौ बीरु बि हुंदा मेर त .. २ ,रैली मां पठै देन्दु
तेरु नौ लिखलु हे बीर सोना का हरपों मां
मेरु बीरू सहीद ह्वैगे उत्तराखंडा की रैली मां
मेरु बीरू सहीद ह्वैगे उत्तराखंडा की रैली मां
मेरु बीरू सहीद ह्वैगे उत्तराखंडा की रैली मां
उत्तराखण्ड आंदोलन के सहीदों को शत शत नमन
जय हिन्द जय उत्तराखंड