''''बिजोग''''

बिजोग पोड़ि अब क्य ब्वन ।

बिजोग छोड़ि अब क्य ब्वन ।।

कोरोना बिमरि ऐ चीन बटि ।

लोग डैरिगीं अब क्य ब्वन ।।

कैकु सुविधा कैकु कुछ ना ।

लोग मौरिगीं अब क्य ब्वन ।।

पैलि पलायन ह्वे गढ़वाळ मा ।

लोग गौं सैरिगीं अब क्य ब्वन ।।

बिमरि कतगै द्यखिं साख्यूं मा ।

कंदुड़ हथ धैरिगीं अब क्य ब्वन ।।

जैकि जो टक्क रैंद छोड़ेंदि नी ।

लोगबाग हैरिगीं अब क्य ब्वन ।।

बीस साल बटि उत्तराखंड उनि ।

नेता बांजु कैरिगीं अब क्य ब्वन ।।