Ӏэдииху

ТЕКСТ ПЕСНИ:

Дызэрыцӏыкӏурэ дызэпылъти, ар си Ӏэдииху

Дызэрыцӏыкӏурэ фӏыу услъагъурт, ар си Ӏэдииху.

И чэзумэ дыщынэсым, ар си Ӏэдииху,

Илъэс пӏалъэ къызыботыр, ар си Ӏэдииху.

Илъэс пӏалъэ пхузохьэкӏыр, ар си Ӏэдииху,

Мазэ пӏалъэ къыхогъэкӏыр, ар си Ӏэдииху.

Мазэ пӏалъэр щыпхуесхьэкӏым, ар си Ӏэдииху,

Блыщхьэ пӏалъэу къызыботыр, ар си Ӏэдииху.

Блыщхьэ пӏалъэр къыщыблагъэм, ар си Ӏэдииху,

Шы къарапцӏэр къыщӏызошыр, ар си Ӏэдииху.

Саур уанэр къыщӏызохыр, ар си Ӏэдииху,

Саур уанэр нытызопӏэр, ар си Ӏэдииху.

Сыношэсри сыныдожыр, ар си Ӏэдииху,

Сыныдожри сыножьэжыр, ар си Ӏэдииху.

Фи куабжэшхуэм изохулӏэр, ар си Ӏэдииху,

Куабжэр лъагэми изогъалъэр, ар си Ӏэдииху.

Щхьэгъубжэшхуэр къызэӏуодзыр, ар си Ӏэдииху,

Мы си шыплӏэми удызодзэр, ар си Ӏэдииху.

Дыныдожри дыножьэжыр, ар си Ӏэдииху,

Гъуэгу дымыцӏыхумкӏэ дыунэтӏати, ар си Ӏэдииху.

Мэз адакъэр къыхолъэтыр, ар си Ӏэдииху,

Шыр щӏолъэтри усфӏеукӏыр, ар си Ӏэдииху.

Мы жыгыщхьэм утызолъхьэ, ар си Ӏэдииху,

Къуалэбзухэми усфӏашхыжи, ар си Ӏэдииху.

Мы жыг лъабжьэм ущӏызолъхьэ, ар си Ӏэдииху,

Хъумпӏэцӏэджхэми усфӏашхыжи, ар си Ӏэдииху.

Си гуфӏакӏэм удызолъхьэ, ар си Ӏэдииху,

Хьэдэ бамэми симыгъакӏуэ, ар си Ӏэдииху.

Дэ ди унэ уэ усхьынут, ар си Ӏэдииху,

Хамэ хьэдэр зехьэгъуейщ, ар си Ӏэдииху.

Фэ фи унэ усхьыжынут, ар си Ӏэдииху,

Уианэ–уиадэр уи хьэрэмщ, ар си Ӏэдииху.

Гъуаплъэ бэни удэслъхьэнут, ар си Ӏэдииху,

Гъуплъэ бэни сэ симыӏэ, ар си Ӏэдииху.

Дэнэ, дэнэ уэ усхьыну, ар си Ӏэдииху?

Дэнэ мыгъуэми усхьыжыну, ар си Ӏэдииху?