народная
Жъыу: Ай рэра, ай рэра!
1. (Ер) Шэбатыныкъо...
Жъыу: Ай рэра!
Шэбатныкъопща...
Жъыу: Ай рэра!
2. Пщымэ урягъуаз о.
Гъуазэ къырыдэкIы.
3. Тенэ иикIыгъохэри...
Шычэпэпс фэмыхъуа.
4. ЛъэрыгъынэпситIухэр...
(Ра) къыщызэбледзы.
5. Хъоумэ заредзы.
Нарты ячэмахъоми...
6. КъыщыIэкIэлъагъуи...
Зыкъыфырегъахьы.
7. (Ар) ыбыдзыжъитIухэр...
(Ра) къыщызыIуелъхь ай.
8. - Нэу узымылъэгъурэр...
Алахьэмэ речы!
9. Зышъхьэ тымылъэгъоуи...
Зигугъум тигъалIэуи...
10. Нарт Шэбатыныкъо...
Еблагъэр! - къыреIо.
11. Цугъом ибжъэпэплъыхэр...
(Ра) фэсыукIын сэ...
12. Гъэлъэхъум ипщэрыхэр...
Ащи ищыпсыпхъэри.
13. Фыгу мэтэ щэкIыхэр...
(Ра) пфысшъхьащыкIын сэ.
14. Илъэсырэ ущысымэ...
Мазэуи сшIошIынэп сэ.
15. Мазэрэ ущысымэ...
Тхьамафэу сшIошIынэп сэ.
16. Тхьамафэрэ ущысымэ...
Зымафэу сшIошIынэп сэ.
17. - Нарты ячэмахъо...
Чэмэхъожъы делэ!
18. Сышыу хьакIо-бгъуакIу сэ...
Сышыу гъогурыкIу сэ.
19. Алыджы яунэжъыми...
(Ра) сыщыгъозадж сэ.
20. Гъогу лъапэу сэбгъэлъэгъурэм...
СырыкIонэу сышыу сэ.
21. - Нарт Шэбатыныкъо!
Алыджы яунэжъыхэр.:.
22. Шъыдым сигъэшIэн сэ?
КъэзгъэшIэгъэ тIэкIумэ...
23. Ор сычэмэхъожъэуи...
Шъофыжъымы сис сэ.
24. ЗapaIoy зэхэсхыгъэри...
(Ра) къыосIотэн сэ!
25. Алыджы яунэжъыхэр...
Унэкъогупэф...
26. Унэ фыжьы кIахь ар...
ТхьэщэкI икIахьыгъэуи.
27. КIэсэнэуи кIэтыхэр…
Цуиймэ зэрафащэ!
28. ПэIулъашъоу Iутэри…
Шыбгъэлыбэм къэсы!
29. Ащы икъэблачъэми…
Ащы идэхьагъори…
30. Шыу хьэкIо-бгъуакIомэ…
Iаеу аутагъэшъы…
31. Уишэр хэускIутэныджэ!
Бэуи чIыпIэ бзадж ар!
32. - Нарты ячэмахъо…
Чэмэхъожъы делэ!
33. Тхьэшхомэ семыплъэуи…
ХьакIэныщым семыплъымэ…
34. Iэхъомбарымэкъыми…
(Ра) учIэзгъэпшын сэ,
35. (Ар) идэнэкIэпщэри…
ШыкIэпкъым щегъабзэ…
36. Нарты ягубгъэжъыми…
(Ар) къырегъэзыхьэ.
37. Ишыпэбзыджын къикIырэр…
Хыорэу мэуцу.
38. Ихьэ самуритIори…
ЫбгъуитIуджэ готэуи.
39. (Ар) ибгъэшъхъо Iасэхэр…
Ошъогум щэхьэразэ!
Источник: Одноклассники.ru - Группа "Хэкурэ - Хабзэрэ"