Анэдэлъхубзэ

ТЕКСТ ПЕСНИ:

Адэжь щӏыналъэ,

Си нэр зыгъаплъэ,

Си лъэр здэбыдэ,

Зыми хуэмыдэ,

Уэ уи жьэгу дыщэм

Щызекӏуэ хабзэм

Анэдэлъхубзэр

Ныдобзэрабзэр.

Дэ ди гуфӏэгъуи,

Ди нэщхъеягъуи

Тхузэбгъэзахуэу

Утетщ гъуэгу махуэ,

Анэдэлъхубзэ,

Адыгэ жьабзэ,

Уздэщымыӏэ

Сыщыремыӏэ.

Уэ ди нэ ди псэ,

Лъэпкъым и гупсэ,

Анэм и жьабзэ,

Анэдэлъхубзэ,

Уэ узижагъуэр

Хэтми мыщӏагъуэ,

Узыгъэикӏэр

Акъыл тхьэмыщкӏэщ.

Си гум и хущхъуэ,

Псэм и ӏэфӏыщэ,

Пхузощӏ сыт щыгъуи

Адыгэ фӏыщӏэ,

Анэдэлъхубзэ,

Анэм и жьабзэ,

Уздэщымыӏэ

Сыщремыӏэ.