Дахэ цӏыкӏуу къофэ

ТЕКСТ ПЕСНИ:

Уи нитӏ къыщӏэплъыр сипсэм зэхещӏэ,

Гур темыгушхуэу хъыринэ йощӏэ.

Псэр зыхуэгуфӏэр, сигур зыгъафӏэ,

Къакӏуи утыкум, дыкъыздэгъафэ!

И напӏэр едзыхауэ, дахэ цӏыкӏуу къофэ,

Пшынэбзэм декӏуу, екӏуу, дахащэу къофэ,

Сыноплъыу согупсыскӏэ, сэ схужымыӏэ,

Дахагъэу уэ пхэслъагъуэр зым хуэзмыгъадэ.

И напӏэр едзыхауэ, дахэ цӏыкӏуу къофэ,

Пшынэбзэм декӏуу, екӏуу, дахащэу къофэ,

Тӏэкӏу къысхуэгуфӏэ, си ӏуплъэгъуафӏэ.

Уи кӏуэкӏэ дахэр нэкӏэ согъафӏэ.

Зыдыбогъэкӏури адыгэ пшынэм,

Сфӏощӏ, ущысщӏыну нысэ ди унэм.

И напӏэр едзыхауэ, дахэ цӏыкӏуу къофэ,

Пшынэбзэм декӏуу, екӏуу, дахащэу къофэ,

Пшынэ зэрыдзэкӏэр дохьэ ӏейуэ сипсэм,

Еуэ, еуэ, пшынауэ, еуэ лъапэрисэм!

Дэнэ кӏуа, дэнэ кӏуа, ӏэгур дэнэ кӏуа?

Икӏуэда, икӏуэда, джэгум икӏуэда.

Ди пшынауэ, ди пшынауэ, ди пшынауэ, хьэй-хьа!

Гу ныпщызмыхуэу, махуэр хокӏуатэ,

Пхуэсщӏа гухэлъыр сэ схуэмыӏуатэ,

Пхуэсӏуатэу щытыми, лейу къыумыгъанэ,

Щхьэцыгъуэ дахэр зэхэухуанэ.

И напӏэр едзыхауэ, дахэ цӏыкӏуу къофэ,

Пшынэбзэм декӏуу, екӏуу, дахащэу къофэ,

Сыноплъыу согупсыскӏэ, сэ схужымыӏэ,

Дахагъэу уэ пхэслъагъуэр зым хуэзмыгъадэ.

Дэнэ кӏуа, дэнэ кӏуа, ӏэгур дэнэ кӏуа?

Икӏуэда, икӏуэда, джэгум икӏуэда.

Дэнэ кӏуа, дэнэ кӏуа, ӏэгур дэнэ кӏуа?

Икӏуэда, икӏуэда, джэгум икӏуэда.