Насыпыр аращ
Слова - Юрий Семенов
Музыка - Зарета Зарамышева
Исполнители: Черим Нахушев
Категории: кабардинские песни
ТЕКСТ ПЕСНИ:
Гъатхэр къэблэгъащи,
Бзухэр къолъэтэжыр.
Щӏылъэр къэушащи,
Къару къыхохьэжыр.
Припев:
Щӏылъэр зыдэушыр,
Бзухэр щӏемызэшыр,
Гуитӏым дызэхуашэм –
Насыпыр аращ.
Нэхущ жэп къехамэ,
Псынщӏэуэ токӏыжыр,
Гъатхэ уэшх къешхамэ,
Дыгъэр къыкъуокӏыжыр.
Припев:
Жэпыр щӏытекӏыжыр,
Дыгъэр къыщӏепсыжыр,
Си гур зыгъэфӏэжыр –
Насыпыр аращ.
Пшэм егъэпщкӏур мазэр,
Гъэр ищӏыну хуейуэ.
Къыӏэщӏокӏ, зегъазэр,
Ӏэгуфӏэжыр хейуэ.
Припев:
Мазэр щӏэгуфӏэжыр,
Ди гухэлъхэр пэжмэ,
Дызэрыгъэпэжмэ –
Насыпыр аращ.
Гъатхэр зэман дахэщ,
Хелъхьэ псэ къэкӏыгъэм.
Удз гъэгъауэ дахэр
Яхуещӏ псоми тыгъэ.
Припев:
Гъатхэр щӏэдэхэжыр,
Удзхэр щӏэгъэгъэжыр,
Псэ къытхэзылъхьэжыр –
Насыпыр аращ.
Источник: @zhygue
Слушать бесплатно в исполнении Черима Нахушева
ключевые слова: щ1ылъэр