Чэлам и уэрэд

ТЕКСТ ПЕСНИ:

Дунеижьурэ сызытетари

Сэркӏэрэ щаитӏ и уасэкъым,

Нащэ фӏэӏум и уасэ мыгъуэри,

Уой, гривникӏитӏт!

Адыгитӏ зэгъусэурэ

Кӏэнвойм къытхуамыдэ,

Илъэсийр сымыдэурэ,

Под надзор къыщӏагъури.

Сыбырыжьмэ фи цӏыхубз куэдхэри

Я ныбжькӏэрэ щӏыбырылажьэт,

Чэламым лажьэ имыӏэурэ,

Сыбырыжьмэ нагъэкӏуэдат.

Сэ си бынунагъуэри

Хьэтӏутӏэм къыбгъэдызонэ,

Сэ си унэжь тӏэкӏу мыгъуэри

Хьэблэмэ къыфхуэзгъэнащ.

Сыбырыжьмэ фи кассирыжь мыгъуэмэ

Тхьэмахуэм лэжьапщӏэр къетри,

Зы тумэн къызата мыгъуэти

Кӏартӏ джэгум езгъэхьыжащ.