Мэлэч и уэрэд
ТЕКСТ:
Къуажэр зэроджэр Мэлэчти,
Уианэр зэроджэжыр Пыжьынэти.
Мэлэчу дахэр мэусэр,
Щхьэнтэм утесым, тхьэрыкъуэт!
Зыбукъуэдиймэ, аслъэнкъэ,
Аслъэным и сокур зи щхьэц!
Кърым бжьэхуцыр уи щlыфэт,
Дыхьэрэным и пщафэр уи нэкlут!
И нэкlу дамыгъэри тредзэри,
Шумахуэм идзэр шууитlкъэ!
Аслъэн шууитlым ар къахьри,
Жьынду шууитlмэ яхьыжкъэ!
Я тэхъутеитlыр трахри
Къызыдрахри мэувкъэ!
Зилъэ увыни къагъанэкъым,
Къекlуэталlэ, си пщыкъуэ щlалэ!
Мэлэчым и щытыкlэр вжесlэнти:
Мэлэчу дахэр кlэлъэфти.
Зрилъэфыхьурэ мэкlуэжри
Щхьэнтэм докlуейри мэтlыскъэ!
И джийм ежэх псыр уолъагъумэ,
И зэ лъагъугъуэри сомищэти.
Сом минищэ и уасэр Мэлэчкъэ,
Уэ ущауэнумэ ар къашэ!