ТЕКСТ ПЕСНИ:
Бадзэуэгъуэ дыгъэм щӏыгур къигъажьэу
Жьэражьэу уэгум къыщиувакӏэ
Зиӏэтрэ ӏуплъэмэ зыгъэукӏытэу
Зыгъэупщӏыӏури сэ си къэшэнщ.
Тенджызыр губжьрэ тенджызыр къиурэ
Къэукъубияуэ щызэрызехьэкӏэ
Щхьэщыхьэрэ хэплъэмэ зыгъэукӏытэу
Зыгъэувыӏэри сэ си къэшэнщ.
Бадзэуэгъуэ махуэм я нэхь кӏыхьыгъуэм
Аргъынэм ӏуту езылъэщӏэкӏхэм
Ягу къыщыридзэкӏэ шэмэдж дэдзэнхэр
Ящызыгъэгъупщэри сэ си къэшэнщ.
Мэлыхъуэ цӏыкӏухэу къущхьэхъум тесхэу
Гъатхэри бжьыхьэри зылъэзыгъэӏэсхэм
Я гъуэмылашэр щалъэӏэсыжкӏэ
Къызэреупщӏри сэ си къэшэнщ.
Пщыхьэщхьэ пшапэм си мыӏуэхущэу
Гупэ уэрамымкӏэ зыщыблезгъэхкӏэ
Тхылъым бгъэдэсу нэхур зыгъэщу
Слъэгъуа хъыджэбзри сэ си къэшэнщ.
Пщыхьэщхьэ пшапэм еша-елӏауэ
Лӏы гуп зэхэсым къащыӏурыплъэкӏэ
Зи гугъухэр ящӏ пэтми яхуэмыухыу
Нэху къатезыгъащхьэри сэ си къэшэнщ.