Къербэч и гъыбзэ

1. Къербэчым уи ныбжьэгъу пэжыри (уой)

Гуауэшхуэм сызэщӏеӏулӏэр,

Къэхъуахэм фыщӏэмыупщӏэми,

Си гъыбзэм фыкъыщӏэдэӏу мыгъуи (уой).

2. Къишати си ныбжьэгъу закъуэми,

Уэй тӏокӏэ нызэрыдошэ,

Щауэщӏэм и япэ жэщыми,

Нысащӏэр фызабэу къонэри (уей).

3. Тхьэӏухудым зыщимыгъэнщӏурэ

Къербэчыр ныщебзэрабзэм,

Бзэджащӏэм я фоч лъэдакъэмкӏэ

Лэгъунэбжэр нытыракъутэр(и уей).

4. Къербэчым и хэтӏэ-хэсэри

Губгъуэжьым щерегъэкӏуэкӏыр,

Нысащӏэр зыхуэгузавэми

А жэщым къимыгъэзэж мыгъуэм (уей).

5. (Сэрмахуэ) уи шыгъуэ цӏыкӏури

А махуэм шы щхьэ мыгъазэт,

Къербэчым къэбгъэзэжынкӏэрэ

Нысащӏэр къыпщыгугъа мыгъуэт (уей).

6. Ди нысэм уи лэрыпс цӏыкӏури

А махуэм къызэролъэлъыр,

Нэпс гуащӏэр къыпфӏелъэлъэхыурэ

Лэгъунэм укъыщӏашыж мыгъуэр (уей).