Шыхьбан и уэрэд

ТЕКСТ ПЕСНИ:

1. Адкӏэ щытри адэкӏэ йощӏэр,

Мыдкӏэ щытри мыдэкӏэ йощӏэр,

Дауэ тщӏымэ, дауэ хъуну пӏэрэ, уей!

2. Ех, си мамэм «Жей» къызжеӏэр

Сытхэр жысӏэу сыжеину? -

Фӏыщэу слъагъум къиша мыгъуэщ, уей!

3. Ӏэлъын цӏыкӏури ӏэпэм илъкъэ,

Сэр нэмыщӏкӏи уи гум илъри

Сапэ жанкӏэ къистӏыкӏын мыгъуэт, уей!

4. Нэскӏи цӏыкӏури нэскӏи щӏыхукъэ,

Лъагъуныгъэр щӏыхуэу щытми,

Уэстыжащи, къыпщӏыныж, Шыхьбан!

5. Сыдоплъейри - уафэр къащхъуэщ,

Сыкъоплъыхри - щӏылъэр щхъуантӏэщ,

А тӏум я кум сыкъибнащ, Шыхьбан!

6. Щхьэнтэ цӏыкӏури уи бырыбкъэ,

Сабий бынри къысхущӏэбнэри

Дальний Восток укӏуэжа мыгъуэщ, уей!

7. Зы тӏуанэм сыкъелат, жи,

Тӏуанитӏри сэ згъэва мыгъуэти,

Ар сехьыпэ мы ещанэм, Шыхьбан!

8. Весовщикымэ гуэдз ешэчыр,

Си щӏалэгъуэми схуэмышэчыну

Щӏыпӏэ жыжьэм сынихьащ, Шыхьбан!