Лъагъуныгъэ

Жэщи махуи сымыжей,

Жэщи махуи сынэщхъейщ,

Сигу имыкӏыр уэ уи нитӏщ.

Уиади уиани къысхуэмей,

Уи унагъуэм сыралейщ,

Сыт сэ сщӏэнур си дуней?

Махуэ къэс дызэхуэзащ,

Лъагъуныгъэ здэдгуэшащ,

Псалъэ ӏэфӏхэм себгъэсат.

Сиади сиани къыпхуеят,

Нысэ дахэу уалъэгъуат,

Гугъэ дахэр лъэтэжащ.

Илъэс куэди блэдгъэкӏащ,

Удэкӏуауэ зэхэсхащ,

Уи насыпи бгъуэтыжащ.

Си зы нэпси къыщӏэмыкӏ,

Уи сурэти къезмыхьэкӏ,

Лъагъуныгъэщ къэзгъэнар.