Джэдыр кӏэцӏым, джэдэщым уожэ (версия 1)

ТЕКСТ ПЕСНИ:

Джэдыр кӏэцӏым, джэдэщым уожэ,

Къикӏэцӏари уи закъуэ уошх,

Дэ абыкӏэ уна дыхъункъым.

Уэлэхьи, уизгъэкӏыжынум!

Джэд щыкӏэцӏу джэдэщ димыӏэ,

Ар щыкъакъэм щымыкӏэцӏыххэ,

Къикӏэцӏар пабжьэм хокӏуадэ,

Дэ абыкӏэ уна дыхъункъым!

Жэм шыгъуэм уи ӏэпэр шынщи,

Шатэ шхыгъуэм уджэдыужьщ,

Дэ абыкӏэ уна дыхъункъым,

Уэлэхьи, уизгъэкӏыжынум!

Мэкъуауэгъуэм ууэршэракӏуэщ,

Мэкъу шэжыгъуэм уефакӏуэжьщ.

Сыщӏэтӏысхьэм шэ къызимытмэ,

Дэ абыкӏэ уна дыхъункъым,

Уэлэхьи, уизгъэкӏыжынум!

Зы илъэсым зэ мэз умыкӏуэ,

Зы бжыхь напи хадэм щумыху,

Щӏы сатейм бжьын зэрытезмыщӏэр

Ара хъунщ уи гум темыхуэр!

Джэд хъугъуэм уи нэр буфӏыцӏу,

Джэд шхыгъуэм унабжэ щэхуу,

Дэ абыкӏэ уна дыхъункъым,

Уэлэхьи, уизгъэкӏыжынум!

Уи пыӏэжьыр щыгум щолажьэ,

Ущылажьэм фызым упабж.

Укъэкӏуэжым джэдыкӏэр уобжыр,

Алыхь лъэщ, сыпхуимысын-тӏэ!