ТЕКСТ ПЕСНИ:
Сыныпхуэмызэурэ
Аргуэру махуэр блэкӏащ.
Тепыӏэгъуэншэуэ
Псэм укъелъыхъуэри уей.
Саныкӏэлъыплъурэ
Зэманхэри блэзгъэкӏащ
Уэрыншэ махуэм
Гъащӏэр ещӏ нэщхъей.
Ежьу:
Уэ насып дыгъэуэ сэ къысхущӏэкӏ,
Дыгъэ къуэпс гуащӏэр си гущӏэм пхыгъэкӏ.
Гурыщӏэ лъабжбэми насыпу ар уэ сэ къыщысхуегъэпс.
Дэнэ ущыӏэ уэ си дахэкӏей,
Мы си гум щэхуу ущызогъэжей.
Гухэлъ дахэри си гум
Дыгъэу къыщегъэпс.
Пшынауэм и пшынэр
Егьэбзэрабзэри уей.
Схутекӏкьым мы си нэр
Си дежкӏэ зэ къысхуеплъэкӏ.
Си псэр бзэрабзэурэ
Уи деж сынешэри уей.
Уи теплъэ дахэр
Нэгум зэй щӏэмыкӏ.
Сытыр есщӏэну сэ
Мы си гум,
Ар зыкӏи сэ схуэмыубыд.
Ухэлъщи мы си псэм
Уэращ гухэлъ зыхуэсщӏар.
Къыхыхьэ си гъащӏэм
Мы си ӏэри къэубыд.
Уемылъэпауэ
Лъагъуныгъэ сщӏам.
Источник: Майя Шидугова
ключевые слова: ущы1э