Сосрыкъуэрэ Тотрэшрэ зозауэ
ТЕКСТ ПЕСНИ:
I
Сосрыкъуэ си къан, уо-уо!
Сосрыкъуэ си нэху, уореда!
Зи мэӏуху дыщафэ, уо-уо!
Афэр зи джанэ куэщӏ, уореда!
Дыгъэр зи пыӏэ щыгу, уо-уо!
Ещыгуауэу мэшэсри, уореда!
Нарт хасэ нахохьэ, уо-уо!
Уи фэр пыхь-пыкӏщ, уореда!
Уигу ирагъэкӏащ, уо-уо!
Дыгъуасэрей хасэм, уореда!
Сытхэр къыщулъагъу уо-уо!
Сытхэр къыщыухэс, уореда!
II
- Уэ ди анэу Сэтэней, уо-уо!
Фыз хасэ щӏэупщӏэркъым, уореда!
Фыз упщӏэж ирахьэлӏэркъым, уо-уо!
Езыхьэлӏэри лӏы мыхъущ, уореда!
III
- Уэ си Сосрыкъуэ, уо-уо!
Дыгъуасэрей хасэм уореда!
Щыплъэгъуар къызжумыӏэм, уо-уо!
Уащхъуэ зыслӏэжынкӏэ, уореда!
IV
- Уэ ди анэу Сэтэней, уо-уо!
Уэ зы щхьэ мыгъуэжь, уореда!
Икӏи зомылӏэж, уо-уо!
Хабзэуи зумынэкӏ, уореда!
Дыгъуасэрей хасэм, уо-уо!
Щыслъэгъуари ныбжесӏэнщ, уореда!
Нартхэ къыдагъаджэщ, уо-уо!
Нартхэ драгъашэри, уореда!
«Шурылъэс фыджэгу!» - жари, уо-уо!
Нартыжьхэм щыжаӏэм, уореда!
Нартхэр бжыхьэ кӏапэм, уо-уо!
Псори ныщӏэзгуашэщ, уореда!
Гуэрэныгум сынихьэри, уо-уо!
Щыблэ выщӏэу сыгъуахъуэщ, уореда!
Си лӏыхъубжьэ къэскъутэщ, уо-уо!
Батырыбжьи къызатщ, уореда!
Батырыбжьэм сынефэщ, уо-уо!
Нартхэ дагъэгушхуэщ, уореда!
V
Нартхэ сыныдэкӏщ, уо-уо!
Кхъаблэ банэ сынещэщ, уореда!
Нарт шу гъусэ симыӏэу, уо-уо!
Арыкъиблри щӏэсщыкӏщ, уореда!
Къуэ ебланэм къыдэжауэ, уо-уо!
И шым телъыр къыщысщӏэм, уореда!
Сыщӏэгуоури зэхихкъым, уо-уо!
Сыкӏэщӏыӏэри сыщӏыхьэкъым, уореда!
VI
Къэзгъэзэжри теуэгъуэфӏ къэскӏужауэ, уо-уо!
Къызэплъэкӏри сыкъилъагъущ, уореда!
Си шым телъыр къыщищӏэм, уо-уо!
Къыслъэщӏыӏэри къысщӏыхьэщ, уореда!
Къэсмэ – нартхэ, уо-уо!
(Уэ) я бжыщхьэ дукъуакъуэрт, уореда!
Си шы бэкъум къыдидзщ, уо-уо!
Си дзажэпкъым къридзэри, уореда!
Си унагъуэм сынрихщ, уо-уо!
Бжэныцрэ хьэцыпэу, уореда!
Уэгум сыщызэрихьэщ, уо-уо!
Щӏылъэм сыкърихьэхри, уореда!
Нарт вагъуэбдзумиблыр… уо-уо!
Блыпкъыпэкӏэ сигъавэщ, уореда!
VII
Вэрэвийм я пщӏэнтӏэпсыр… уо-уо.
Си жьэпкъыпэм къыпихущ, уореда!
Данагъуэу си пащӏэкӏитӏыр… уо-уо!
Сабейм къригъэхулщ, уореда!
Быдзышэ хужьу сызэфар… уо-уо!
Ӏубыгъуищу иригъэкӏыжщ, уореда!
И куэщӏ джатэр кърихри… уо-уо!
Си щхьэр фӏихыну щыхуекӏуэм… уореда!
VIII
- Уит, нартхэ ящауэ, уо-уо!
Нобэ ди лъэпкъ яукӏыркъым, уореда!
Дызыукӏ хэкӏыжыркъым, уо-уо!
Махуэ пӏалъэ къысхуэщӏ, уореда!
- Хьэрэмэ ӏуащхьэ ди пӏалъэщ уо-уо!
(Уэ) зэхудипӏалъэщ, уореда!
Пщэдейризэр пӏалъэ схуэщӏ, - жысӏэри … уо-уо!
Ди унэ сыкъыфӏэкӏуэжащ, уореда!
IX
(Уэ) ди Сосрыкъуэ… уо-уо!
(Уэ) Сосрыкъуапцӏэ, уореда!
(Уэ) лӏы фӏыцӏэ гъущӏынэ… уо-уо!
(Уэ) емынэ шужьей, уореда!
Ар Албэч и къуэ Тотрэшщ… уо-уо!
Дзэ гъэшынэу шу закъуэщ, уореда!
Шыгъуэ тхыпӏцэ бланащхьэщ, уо-уо!
И щхьэр уэгум етакъэ, уореда!
Ар зэадэ-зэкъуибгъу хъурти, уо-уо!
Им я щхьэр къозгъэхьащ, уореда!
Ар ебгъуанэу диӏэщи, уо-уо!
Дэджэгуэгъу къыпхуэмыхъуащэрэт, уореда!
Уи уэзджынэр къегъэщӏ, уо-уо!
Шыкӏэ налъэм къыхэщӏа, уореда!
Пӏалъэу пщӏам блэкӏуэти, уо-уо!
Пшагъуэм ухэту ущыжэкӏэ… уореда!
Шыгъуэр хутыкъуэнщ, уо-уо!
Тхьэр зи къаным къыуитынкъэ, уореда!
Источник: @zhygue
ключевые слова: мэ1уху