Лэсчэн хъыджэбз
Псалъэхэр зытхар - Къагъырмэс Б.
Макъамэр зытхар - Молэ В.
Исполнители: Хаждал Кунижев
Категории: кабардинские песни
ТЕКСТ ПЕСНИ:
Нэкӏу хъурейрэ набдзэ фӏыцӏэм,
Зэ къоплъарэ удихьэхмэ, -
Ар Лэскэн хъыджэбзщ.
Тӏэу къоплъамэ, плъэмыкӏыжу
И ужь уиту укъигъанэм, -
Ар Лэсчэн хъыджэбзщ.
Псалъэ дахэ къебгъэкӏуэкӏми,
Нэр къиӏэту къомыплъыххэм, -
Ар Лэсчэн хъыджэбзщ.
И ауаныр къуиутӏыпщрэ
Уибгъу и гъуэгуу ныпфӏежьэжмэ, -
Ар Лэсчэн хъыджэбзщ.
Тырахынкӏэ шынэ хъуауэ,
Щӏалэм зи цӏэр щэхуу жиӏэр, -
Ар Лэсчэн хъыджэбзщ.
Е, жеямэ, пщӏыхьым хэту
Тхьэӏухуду зыхуэгуфӏэр, -
Ар Лэсчэн хъыджэбзщ.
Псыр къиуами щӏалэр хыхьэм,
Ар зыхуэкӏуэр псоми ящӏэ –
Ар Лэсчэн хъыджэбзщ.
Ар зыхуэкӏуэр псоми ящӏэ,
И дахащэуэ и пщащэрщ –
Ар Лэсчэн хъыджэбзщ.
Источник: @zhygue
Слушать бесплатно в исполнении Хаждала Кунижева
ключевые слова: нэк1у