Сызэхэх, си адыгэ хэку

ТЕКСТ:

Хамэ щӏыпӏэ жыжьэм сэ сыщыӏэу,

Согупсыс си гъащӏэм и пщэдейм.

Сэ мыбы щызиӏэ гъащӏэр щӏыӏэщ,

Сызэхэх си хэкуу Къэбэрдей.

Уо си дуней, си дуней,

Уо си дуней, си Адыгей,

Зи махуэр дыщэпс, Адыгей,

Уо си дуней, си дуней,

Сигум укъыщопс, си Къэбэрдей!

Си гущапӏэу бгыжьхэм, уи псыкъелъэм

Я джэ макъыр къоӏусыр си деж.

Сыныхуокӏуэ сэ уи анэ ӏэплӏэм,

Лъагъуныгъэу пхуэсщӏар быдэу мэж.

Мыбы щыӏэ псы уэрхэр си нэпсу

Си Хэку лъапӏэм щхьэкӏэ къысфӏожэх,

Си анэ быдзышэу уи къуршыпсыр

Ӏэфӏу, гуапэу сиӏум езгъэхынт.

Сыту успэжыжьэ, си Хэку лъапӏэ!

Дапщэщ, сипсэ, сыныпӏуплъэжын?

Нобэ сылӏэм къехынкъым си напӏэ,

Сипсэ закъуэр уи деж нэкӏуэжынщ.

Си анэр, си адэр уэзыракъэ,

Сигум и уэрэдыр уэзыракъэ.

Уэрэд дахэр сэ уэ пхузоусыр, -

Лъагъуныгъэ мыухыжыр уэрщ.