Дыгъэр къыкъуэмыкӏ кӏыщӏэ

ТЕКСТ ПЕСНИ:

Къэбэрдейм къеуэри аварым къэкӏуам щыщу мащӏэ дыдэ кӏуэжар. Апхуэдизкӏэ Къулъкъужыныпсым псы щӏагъуэ хэмыту лъы ежэхащ жаӏэ, шылърэ цӏыхулърэ, апхуэдизкӏэ лъыгъажэ гуащӏэ екӏуэкӏауэ жеӏэ зауэри. Абы къыхощ мыпхуэдэу уэрэдым: ди Къэбэрдейм, ди мэлыхъуэвхэм хьэдитӏыр зыгукӏэрэ а махуэм нашэж жери.

Дыгъэр къыкъуэмыкӏ кӏыщӏэ ди къуажэм къэсхэм,

Ди гъащӏэр, ди мэкъур, ди унэр зыгъэсхэм

Еупщӏ, сытым хуэдэ лъым и мэр, ящӏэнщ,

Ди уафэгум ипщэм зы кӏапсэ пащӏэнщ.

Яшхыр цӏыхулщ ахэм, я жьэхэр фӏейщ,

Ныджы сощӏэ мыхэр зы къэмынэр зы пщӏыхьэпӏэ ӏейщ.

Дэ дыкъэушынущ, нтӏэ, зэрыщыту иухау,

Тхьэм гукъеуэу диӏэ псор т'ӏихау.

Дыхуейкъым уи фӏыгъэм. Жагъуэ умыщӏ, кхъыӏэ.

Ныджы дыщэми уи ӏэлъыныр уздыщӏэлъынур кхъэкъэ?

Къэубыд си ӏэр. Къэтэдж, тэдж, иӏэ!

Лъы зыкӏэрылъ мы уафэр щхъуантӏэм иӏэ.

Хым хуэфӏу узэфэ шей фалъэ хуэдэт хуабэу,

Ди гур дэлъэтын хуэдэу къилъэту.

Сыфӏщ жысӏэ щхьэкӏэ, сыфӏтэкъым щӏагъуэу,

Диӏэ псор пшахъуэрэ тӏэкӏунитӏэ вагъуэу.

Я гъащӏэр пцӏыу, ныджы, я ӏэнлъэр лъыу,

Ахэм унафэ ямыӏэжу, уэрэд жамыӏэжу.

Мы жэщ кӏыфӏым еупщӏ уэ, си гум илъыр,

Ныджы щыхэзырыхьым Хы фӏыцӏэм ди лъэпкъым и лъыр.

Сэ фыслъэгъуащ, фыслъэгъуащ жьыбгъэм фытесу.

Къыф'ӏэрыхьэн, сщӏэкъым, ныджы, мы стхы тхылъыр?

Фи фӏэщ хъункъым, куэд зэхъуэкӏащ фи ужькӏэ.

Дэнэ къыщыщӏэздзэну, ари сщӏэкъым сэ.

Си цӏэр, сызыхуейр, сызытетыр сщӏэкъым сэ.

Сэр фӏэкӏа мы кӏыфӏым зыри щыпӏыщӏэкъым.

Ныджы зэфӏэтхъау, лъы теутхау ди джанэ данэм.

Зы махуэ “уэху” жиӏа Сосрыкъуэ и анэм?

Зы тхылъ тхы жысӏат, уи закъуэ укъанэм,

Шыгъу-щӏакхъуэ фӏэкӏ зыри темыту ди ӏэнэм.

Ныджы тщӏэр мащӏэу, тӏэкӏуу, къэтпсэлъыр куэду,

И дамэр къутау зы бгъэ фӏыцӏэ хуэдэу.

Уи гур умыгъэныкъуэ ныджы, гуфӏэ, утызох.

Ей, Ӏуащхьэмахуэ, сэлам гуапэ узох.

Абы къигъэлъагъуэр цӏыху куэд, егъэлеяуэ цӏыху куэд зэрыхэкӏуэдар къегъэлъагъуэ. Сыт щхьэкӏэ жып'ӏэмэ, зэи зы гум хьэдитӏ иралъхьэу щытакъым ӏэмал зэриӏэкӏэ. Пщӏэ-щхьэ иӏэу зы хьэдэ гублащхьэм далъхьэурэ, ари гублащхьэмкӏэ нэхъ яхь. Зэщиуду-зэщиуду гум имылъу гублащхьэмкӏэ моу щӏиупскӏэ-щӏиупскӏэу зэщимыуду яхьыж, яшэж. Аращи и хъыбарыр дыдей къызэрысар аращ. Жып'ӏэ пэтми пхуэухынукъым ар, ахуэдизкӏэ хьэлэмэту лӏыгъэ къыщагъэлъэгъуа, цӏыхугъэ къыщагъэлъэгъуа.