Шахъом иорэд

ТЕКСТ ПЕСНИ:

Гъэмэфэ чэщэуи, чэщы мэзагъор

Мэзэгъо тӏышъхьэри, ей

Къоджэ шэхъогъоу сэ сызыпэтыр

Сыухъумэныр сэ сипшъэрылъыри, ей.

Мэзэгъо чэщыми и чэщ осэпсыр

Жъуагъом пэшӏэтыри, ей

Шэу сызыпэтмэ сащыгушӏукӏзэ

Мэзэгъо чэщыри сэри сэгъакӏори, ей.

Къоджэ шэхъогъуми шыкӏэу ахэтхэр

Зэрэгъэчэфыри, ей

Сэ сиорэдри чэфэу къыхаздзэмэ

Мы чэщы-бзыухэр къызэлъежъыуни, ей.

Си гощэлыеуи блэнашъхьэм фэдэр

Шхогъум рэджэгури, ей

Сэ зызгъэджэгукӏэ сикӏасэу Нагъор

Си гощэлыеми сыгум къегъэкӏыри, ей.

Пщыпӏэм секӏужьмэ, сикӏакӏо шӏуцӏэр

Синэгурыхъори, ей

Ощхэу къырипхъырэм сыкӏэдэӏукӏзэ

Сикӏасэу Нагъори санэӏу къетаджэри, ей.

Мэзэгъо ныкъоми сикӏасэу Нагъор

Сымылъэгъугъэуи, ей

Сызыдэхьажькӏэ силъэгъу чэщхэр

Сынэгу кӏэтэуи къыспэшӏосшӏыхьэри, ей.

Сикӏасэу дахэр, зынэхэр нагъом

Сыгум къызыкӏыкӏэ, ей

Бгъэджэ сыхэлъэуи, сынэ зэтелъэу

Гукӏэ сыкъеплъэуи, уахътэ къысэкӏури, ей.