Мыхъурӏэлъын

ТЕКСТ ПЕСНИ:

Гъэтхэ пчыхьам идэхэгъум

Уадэжь сыкъыпфэсы,

Чэщ мэзагъом илъэгэгъум

Жъуагъоу укъыхэпсы.

Арэу пӏомэ, сиӏалъынэу

Модэ мэзэ нэфыр

Мыхъур дахэу сӏа илъынэу

Къысфих ошъо пщэфым.

Оркӏэ мазэр ӏауж хъуна,

Огум джау щэшӏэты.

Тыжьын чъыӏэм сылъыхъуна,

Тыгъэр къыосэты.

Гукӏэ тызэу тызышэсрэм

Тиӏо зэдэтэштэ,

Ары шъхьакӏэ, псыхъо чъэрым

Лъэмыдж телъэп, сэщтэ…

Псыр къиугъэу нэпкъым дизмэ,

Сэры уилъэмыджыр.

Пшъхьац къызнэсэу шыплӏэм уисмэ,

Чыжьэп адрэ ныджыр.

Псэм нахь лъапӏэу сиӏэ закъор

Орышъ сыкъыбдежьэ.

Зэхэшъоха шылъэмакъэр,

Кӏасэм нысэу сещэ…