ТЕКСТ ПЕСНИ:
О уи-уи-уиу си Мэмэта!
О уи-уи-уиу си Мэмэта!
Уидунэе напэ гущэ о къыпфытырах,
Уимыбзэджэшӏагъэ гущэр ори къыптыралъхь,
Кӏыщым учӏагъахьэ гущэшъ, зыфаер къэошӏ,
Пхъэшӏэным уфежьэ гущэшъ, ра, псэ пыогъакӏ,
Хьакӏэу къыпфыдахьэрэми шӏэхэу упэгъокӏ,
Шӏу шъо зэрэшъушӏэны гущэм шъо ащ шъуфегъас.
Арэу къышъуфэхые гущэм шъо шъукъыфэус,
Ащ шъуфэусэны гущэу сыдыри къышъуешӏ?
О уи-уи-уиу си Мэмэта!
О уи-уи-уиу си Мэмэта!
Янэуи Гъукӏэлӏы япхъум сыдыри илажь?
Зыдэмылэжьагъэ гущэ чылэми дэмыс,
Хьалыгъур шъуфегъажъэ гущэшъ, ра, ӏуми еткӏуахь,
Сымэджаплъэ ар къакӏомэ, чэтылыбжьэ ӏыгъ,
Илыцӏыкӏу-лыбжьэхэри, ра, ӏугъэушын,
Ащ иӏэнэлъакъохэмэ напэри къарэщ,
Ра, ащ ищыуаныхэмэ укъамыушӏой,
Ра, ащ иджэмышхыхэри къызэпэлыдыжь.
О уи-уи-уиу си Мэмэта!
О уи-уи-уиу си Мэмэта!
Басмэ сай зырызы гущэм шъо шъурэкӏэракӏ,
Кӏымафэр кьызысырэми шъори шъуӏущашъу,
Мэкъу ӏатэри гъагъомэ, машӏом шъупэмыкӏ,
Хьакӏэхэр къышъуфакӏохэмэ, шыкӏэр пышъоупкӏ,
Тхьагъэпцӏы-хъункӏакӏохэри шъо нахь къышъобэкӏ,
Мэмэт шъуфэмыдэзэрэ шъо ащ шъуфэус.
Мэмэт нахьы чыжьэ гущэу тыдэ шъо шъунэс?
Шъо ащ ешъуӏолӏагъэхэри, ра, зэрэпцӏызакӏ.
Мэмэт Пэнэжьыкъуае щыщэу, псэокӏо ӏэпэ-ӏасэу лэжьэкӏо хьалэлэу щытыгъ. Ар зылӏагъэр совет хабзэм иапэрэ илъэсхэм адэжь. Орэдыр тӏоу зэтефыгъэу къаӏо. Апэрэ къэӏуакӏэм Мэмэт иӏэпэӏэсагъэхэр кӏэнэкӏалъэ ашӏэу оркъ джашъохэмрэ пщы-оркъ дэубэ-дашхэхэмрэ аусыгъ. Ятӏонэрэ къэӏуакӏэр ащ ипэгъокӏэу, Мэмэт иӏофшӏакӏэ ишӏуагъэрэ ащ ицӏыфыгъэрэ ишъыпкъагъэрэ ахэмэ къапэгъэуцоу, щытхъухэу, цӏыфмэ агу афэщагъэу аусыгъ. А къэӏуакӏэр ары мыр.
Источник: Bjami Radio
ключевые слова: к1ыщым