Хьадэӏус икъэбар

ТЕКСТ ПЕСНИ:

Хьадэӏусым игъохэр къызысыкӏэ, ныохэр къыщызэӏокӏэ.

Бэрчэшхо пӏалъэ къафашӏы.

Бэрчэшхо пӏалъэр къызысыкӏэ, ныохэр къыхэзэрэщых,

Яхьалыжъопкӏыхэр акӏыпкъэу, яшъхьал кӏыпкъхэр ябэщэу,

Ныохэр дэкӏо-дэушъэу, кӏалэхэр бэджэ ушъыкӏэу,

Чылэм икӏахьы къыракӏошъ,

Ордэунэжъым екӏуалӏэх.

Хьакупчъэм быракъыр щычӏасэ, джэхашъом чылысэр щагъаӏэ.

Ныохэр къыщызэбэных, ныо махэр пчъэкъуахэм къыкъуадзэ.

Ныо цӏыкӏор кӏашъом дадзые, ныо лъэшым жъапхъэр еубыты.

Ныомэ хьалыжъор агъажъэ, тхъурыжъэр кӏалэмэ зэрахьэ.

Зянэ ахэтым тхьа ети, зянэ ахэмытым тхьа еуи,

Хьадэӏусым иӏоф заухыкӏэ, ныомэ хьалыжъор агощы,

Ныо лъэшхэр хьалыжъо бгъурыбгъу, зэф бгъурыбгъу ягъус,

Ныо махэхэр хьалыжъо щырыщ, зэф щырыщ ягъус,

Ныо лъэшэр зыдэкӏожьыгъэр хьадэӏус къэбарым кӏэупчӏэ.

- Лӏагъэм джэнэтыр тхьа рет.

Тэ къытатыгъэр тфэхьыжьырэп.

Ныо махэхэр зыдэкӏожьыгъэхэри хьадэӏус къэбарым кӏэупчӏэ.

- Лӏагъэри тхьа чӏегъэунахъу, тэ къытатыгъэр мэкӏабз.

Хьалыжъом къуаер кӏоцӏашъу, шъуапӏэхэр кӏалэмэ араты,

Зянэ ахэтым тхьа ети, зянэ ахэмытым тхьа еуи,

Кӏэлэ ныбэр мэтхьаусыхэ, ныохэр жъэпхъэкӏым щызэбэных.

Ныо махэр кӏашъом дадзые, ныо лъэшым жъэпхъэкӏыр атырехы.

Джэнэт хьалыжъу фаусы.