Сикъоджэ кӏас

1.

Ипсыхъо ӏушъашъэ

Гъатхэм къэзэрэгу,

Ибжыхьэпэ дышъэ

Сэ сипкӏыхьы лъэгу.

Припев:

О сикъоджэ къуаджэу

О сикъоджэ кӏас,

Сыпсэр зыхэтӏагъэу

Сыгум щымыкӏуас.

2.

Сады гъэкӏыгъакӏэр

Ащ инэӏурыхъу,

Дахэшъ ищыӏакӏэ

Нахьышӏур къыдэхъу.

Припев.

3.

Лэжьэкӏо хьалэлэу

Иӏэм бэу хэхъуагъ,

Гушӏуагъо имылъэу

Быни дымылъагъу.

Припев.

4.

Дизэу дэӏэкӏагъэр

Дунэе насып,

Тыгъэу къытепсагъэр –

Ти Советы хабз.

Припев.

5.

Къуаджэм и къэгъагъэу

Пшъэшъэ хъущэ дэс.

Пасэу къэзыщагъэр

Кӏэгъожьыгъэу щыс.

Припев.

6.

Цӏыфыр щыбэгъашӏэу

Хьакӏэм ар кӏэхъопс,

Псэупӏэ шӏыкӏашӏоу

Нэфынэр къыдэпс.

Припев.