Адыгэ бзылъфыгъ

Пый кӏочӏэшхор хэкум зытеом

Адыгэр зыфэдэр рагъэшӏагъ.

Илӏыблэныгъэр хъишъэм хэхьагъ.

А лӏыхъужъыр о къэплъфыгъ,

Адыгэ бзылъфыгъ.

Адыгэм игъашӏэ лъыогъэкӏуатэ,

Уидэхагъэр - идэхагъ.

Щыӏэ къэгъагъхэр пфэсэгъэшъуашэ,

Зэрэдунаеу пфэсэгъэӏылъы,

Адыгэ бзылъфыгъ.

Лъэпкъы пстаумэ зэнэкъокъухэу

Ябзылъфыгъэхэр уашъом дахьые.

Сэркӏэ уилъэхъомбэжъые ахэр ыуасэп,

Анахьы кӏасэу,

Адыгэ бзылъфыгъ.

Щыӏэныгъэ гъогум урэкӏозэ,

Умышӏахэу цуным ухещэ.

Сыгъощагъэу шӏункӏым сыхэтмэ,

Къыогъэнэфы, гур дэощае,

Адыгэ бзылъфыгъ.

Псэуныгъэ закӏэп, гъунэри къэсы.

Чэзыур къэсмэ сырэхьат,

Сыдфэдиз цӏыф къысфекӏолӏагъэмэ,

Оры шъыпкъэу сызыгъэежьыщтыр,

Адыгэ бзылъфыгъ.