народная песня
Категории: кабардинские песни
ТЕКСТ ПЕСНИ:
1. Зэмыфэгъуу (уой лажьэ) дзыгъуэжь бын,
Дзыгъуэжь бынри (уой лажьэ) къыдоуасэ.
2. Дзыгъуэм Ӏусыр (уой лажьэ) ар жыр джатэщ,
Лъэуэ фӀэтми (уой лажьэ) щӀыр къыратхъу.
3. Тхъу кхъуэщыныр (уой лажьэ) къытфӀаух,
Ди нэхейри (уой лажьэ) тхьэм къыуигъауэ!
4. Дыноуэнут (уой лажьэ) дыплъэӀэскъым,
ЛъэщӀэсыкӀэми (уой лажьэ) утфӀокӀуэж.
5. Казиижьыр (уой лажьэ) къогъэгубжь,
Къапхъэн цӀыкӀури (уой лажьэ) къыфхуредз.
6. Дзыгъуэжь гуэри (уой лажьэ) къытолъадэ,
Дзыгъуэ цӀыкӀухэми (уой лажьэ) ящымыщ.
7. Дзыгъуэ цӀыкӀухэм (уой лажьэ) ямыфэгъу,
Хьщхъуэжьыфэт (уой лажьэ) бажэ жьэгъут.
8. А дзыгъуэжьыр (уой лажьэ) къеубыд,
КӀэуэ пытри (уой лажьэ) къыпегъэщ.
9. Нэуэ исыр (уой лажьэ) къыхурещӀ,
ХъыбарегъащӀэу (уой лажьэ) еутӀыпщыж.
10. А дзыгъуэжьыр (уой лажьэ) хьэщхъуэжьыфэт,
Дзыгъуэжь бынми (уой лажьэ) нахохьэж.
11. - А сэрмыгъуэ (уой лажьэ) дзыгъуэшхуэжь,
Сытхэр, маржэ (уой лажьэ) къыпщыущӀ?
12. - Сэ лажьэшхуэр (уой лажьэ) къысщыщӀащ,
Мы ди щӀыпӀэр (уой лажьэ) щӀыпӀэ бзаджэщ.
13. Ди псэупӀэр (уой лажьэ) дывгъэбгынэ,
Дэ мы щӀыпӀэр (уой лажьэ) дывгъэхъуэж!
14. Дзыгъуэжь быныр (уой лажьэ) нызэщӀегъу,
Я гъунэгъуми (уой лажьэ) ныздытоуэ.
15. Я гуэн лъапэр (уой лажьэ) къыхураш,
Я ху тӀэкӀури (уой лажьэ) щӀым хашэж.
16. Я гъэш тӀэкӀур (уой лажьэ) къауцӀэпӀ,
ПӀэ щӀыжами (уой лажьэ) нафӀолъадэ.
17. Сабий жейхэр (уой лажьэ) къагъэуш,
Фыз жеяхэри (уой лажьэ) къыхагъэщт.
18. Я унащхьэм (уой лажьэ) нафӀокӀуэж,
Я унащхьэри (уой лажьэ) къаугъуэн.
19. КӀапсэ гъуари (уой лажьэ) зэпашхыкӀ,
Сыт уэтщӀэну (уой лажьэ) дзыгъуэшхуэжь!
Источник: книга З. Кардангушева "Адыгэ уэрэдыжьхэр"