народная песня
(из книги З. Кардангушева "Адыгэ уэрэдыжьхэр")
ТЕКСТ:
Щэджащэгуэ ди Щолэ(уэ)хъужьи,
Лlыхъужьхэмэ уранэхъ хахуэт.
Хахуэкlэрэ ди джатэрыжэ,
Жэрыбэри дэ къыдэзыт.
Зи тыгъэ гущэмэ щlэмыфыгъуэж,
Андзор и къуэкlэ Исмелышхуэ.
А махуэмэ Дулакъ и къуэжьым
Джатэпэкlэ уныбгъэдохьэ.
Щэджащэм бгъэдыхьа шури
Пхэнейм трегъэпсыхэ.
Пащтыхьитlыр тахътэм щытесмэ
Джатэпэкlэ закъезыгъащlэ.
А махуэм дунейгъэбжьыфlэт,
Хэщlапlэхэм ныщыпэрытт.
Мыхъурыжьурэ чыданэ lэпщэри
А махуэмэ тхуэзыгъэгъуазэ.
Хур пщащэхэр зи нэрылъагъу,
Пщlэгъуалэм лъыпсыр йожэх.
Зауапэр къытхузэхешэ,
Къутасым лъыхэр хебгъашэщ.
Къэбэрдейми ди пхъэр пэрышэ,
Пашагъым и гъуазэ пэжт.
Уойрэ, Къурату лlыхъумэ
Жансит и къуэкlэ ди Мырзэбэч.
Мэчарэ и къуэкlэ Созэрыхьэшхуэ,
И зы гум шэр хрегъасэ.
Щолэхъужьыр lэпхъуамбэ пlащэт,
Щолэхъужьыр шэ пlащэрыуэт.