Адыгэ пщащэ (Зи теплъэ гуакӏуэм дыгъэр ехъуапсэ)

ТЕКСТ ПЕСНИ:

Зи теплъэ гуакӏуэм дыгъэр ехъуапсэ,

Вагъуэхэр зи нитӏу мазэр зи набдзэ,

Хъуэрыбзэ дахэкӏэ псэр зэӏущащэ,

Нэмыс гъэфӏэнурэ унагъуэ гуащэ.

Кӏуэкӏэ щӏыкӏафӏэурэ бзылъхугъэ нэсу,

Гурыщӏэ щэхуурэ щауэм и щӏасэу,

Псынэпс ӏущащэри зи макъ бзэрабзэу,

Гухэлъ щӏэращӏэми зигур хуэкъабзэу.

Зи плъэкӏэ гуапэм псэр дэзыхьэхыу адыгэ пщащэщ уей,

Зи хьэлщэн дахэм щапхъэр зытрахыу адыгэ пщащэщ уей,

Дыжьын бгырыпхыр зи фащэ гъусэу адыгэ пщащэщ уей,

Зибзэ ӏэфӏагъыр гущӏэм еӏусэу адыгэ пщащэщ уей.

Зи теплъэ гуакӏуэм дыгъэр ехъуапсэ,

Вагъуэхэр зи нитӏу мазэр зи набдзэ,

Хъуэрыбзэ дахэкӏэ псэр зэӏущащэ,

Нэмыс гъэфӏэнурэ унагъуэ гуащэ.

Щхьэц зыщӏэлыдэхэр сфӏощӏ псыӏэрышэ,

Солъаӏуэр ― уи гъащӏэм тхьэм къыпхупищэ,

Гуфӏэгъуэр уи куэду сфӏэфӏщ упсэуну,

Насыпкӏэ гъэнщӏауэ гъащӏэри пхьыну.