Туаршы Пакъэ и уэрэд
Зыусар Пакъэ и щхьэгъусэщ
Категории: кабардинские песни
ТЕКСТ ПЕСНИ:
1.Уэ си костюм цӏыкӏу мыгъуэр
Зэрыӏэщхьэ къуаншэ мыгъуэт,
Хьэдэ щӏыӏэ къуаншэурэ
Фронтым къагъэнауэ пӏэрэ,
Пакъэ дуней нэху.
2. Ищхъэрэкӏэ къокӏ мыгъуэри
Сэ письмо къысхуокӏуэ мыгъуэ,
«Къэкӏуэжынущ», - жысӏэурэ,
Щыӏэм я нэхъ дыджымкӏэ
Уи письмор къэкӏуай!
Зауэм кӏуахэм хэти и письмо къакӏуэрт, зэрыпсэумкӏэ хъыбар къаригъащӏэрт и ӏыхьлыхэм. Зи письмо къакӏуэ зауэлӏхэм я ӏыхьлыхэр я щӏалэр зэрыпсэум иригуфӏэрт, ауэ зи письмои къэмыкӏуэ, зи хъыбари щымыӏэ зауэлӏхэри куэдт, абыхэм я ӏыхьлыхэм гузэвэгъуэр ятелът, щымыӏэжу зи тхылъ къахьам и ӏыхьлыхэм я гузэвэгъуэшхуэт. Апхуэдэщ щымыӏэжу зи тхылъ къахьа Туаршы Пакъэ. И фызым Пакъэ мы гъыбзэр хуиусащ.
Гъыбзэр дэзыгъэтхыжар Адыгэ-Хьэблэ къуажэм щыщхэу Джатээ Пагуэ, Хъуэпсырокъуэ Ленэ, Фаризэт, Гуэщокъуэ Пагуэ, Бан Зурьят, Гъуэзджэш Розэ сымэщ. Уэрэдыр щыттхам щыгъуэ абыхэм я ныбжьыр илъэс 16-17-м итащ.
Источник: https://zdamsam.ru/b45257.html
ключевые слова: зэры1эщхьэ